Valon Behrami, futbollisti shqiptar i Zvicrës, ka komentuar sot atë se çfarë ndodhi në takimin me Serbinë në lidhje me dy shokët e skuadrës, Granit Xhakën dhe Xherdan Shaqirin.
Mesfushori u shpreh se është i lumtur që FIFA nuk i dënoi ata me pezullim për ndeshjet e ardhshme, duke i dhënë mundësinë të zbresin në fushë kundër Kosta Rikës.
“Natyrisht ne jemi të lumtur që asnjëri nga ne nuk u suspendua”, tha ai.
Pyetjes se a do të ketë festë me shqiponjën kundër Kosta Rikës Valoni u përgjigj: “Nuk do të ndodh sepse ndeshja e radhës nuk është aq speciale sikurse ajo e para”.
“Ndoshta ata do të festojnë me këtë gjë me klubin e tyre, por nuk do të ndodh më në Botëror,”-përfundoi Berhami.
