Sulmuesi i Barcelonës, Munir El Haddadi edhe sezonin e ardhshëm mund të mos e ketë mundësinë të luajë me fanellën blaugrana. 22-vjeçari, i cili sezonin që u mbyll luajti i huazuar tek Alaves, mund të përfundojë në Francë te Marseille.
El Haddadi spikati në sezonin e fundit me Alaves, ku arriti të shënonte 14 gola, duke ndihmuar skuadrën e tij të siguronte mbijetesën, por sërish duket se nuk ka bindur drejtuesit e Barcelonës për t’i dhënë një mundësi në “Camp Nou”.
Kontrata e tij me katalanët përfundon vitin e ardhshëm, ndërkohë që për të interesohet edhe Lille.