Pas pak çastesh luhet në “Kazan Arena” supersfida mes Brazilit dhe Belgjikës e vlefshme për fazën çerekfinale të Kupës së Botës. Të dyja skuadrat janë cilësuar si favorite për të fituar trofeun më të rëndësishëm të globit ndaj do të kërkojnë kualifikimin në duelin e sotëm.
Belgët dhe brazilianët janë ndeshur vetëm njëherë mes tyre, konkretisht në Botërorin e 2002, ku skuadra “Seleçao”, e cila në atë kohë drejtohej nga Skolari, arriti të triumfonte me rezultatin 2-0 me golat e Rivaldos dhe Ronaldos në pjesën e dytë.Brazili arriti te shpallej kampion në atë kampionat botëror duke mposhtur Gjermaninë në finale.
