Yjet e vërtetë të Serisë A? Janë trajnerët dhe jo lojtarët. Kjo është ajo që ka dalë nga një sutdim i veçantë, që ka zbuluar se trajnerët e skuadrave kryesore të kampionatit italian janë përmendur më shumë në mediat italiane në 2017-ën se yjet e Serisë A. më i përmenduri nga të gjithë ka qenë trajneri i Juventus, Massimiliano Allegri, i cili ka lënë mbrapa trajnerin e Inter, Spalletti, dhe atë të Napoli-t, Sarri.
Tekniku i kampionëve në fuqi të Italisë është përmendur 38.729 gjatë 2017-ës, ndërsa Spalletti, 36.564 herë. 27.220 përmendje për Maurizio Sarri-n, i cili ndiqet nga ish-trajneri i Milan-it, Vincenzo Montella, me 26.528 përmendje.
Futbollisti i parë në këtë renditje është një ish-yll i futbollit italian, Francesco Totti. Ish-numri 10 i Roma-s, i tërhequr nga futbolli i luajtur sezonin e kaluar, mban vendin pestë dhe është përmendur plot 25.418 herë, pak më shumë se trajneri i Lazio-s, Simone Inzaghi (23.766). Pas tyre vjen ish-presidenti i Federatës Italiane të Futbollit, Carlo Tavecchio (21.562). Në vendin e tetë është trajneri i Roma-s, Eusebio di Franceso (17.584).
Futbollisti i parë, akoma në aktivitet, i kësaj renditje është Paulo Dybala, i përmendur 16.363 menzioni në mediat italiane, pak më shumë se shoku i tij i skuadrës, Gonzalo Higuain (15.440). Pas tyre renditet mbrojtësi i Milan, Leonardo Bonuçi (13.724).
Nuk mund të mungonte në vendin e 12-të ish-trajneri i Italisë, Giampiero Ventura, i cili është përmendur 10.398 herë. Kjo renditje e veçantë mbyller me Mauro Icardi (12.223), Lorenzo Insigne (12.992), Ciro Immobile (10.911), Dries Mertens (8.639), Edin Dzeko (6.932), Gianluigi Donnarumma (6.667) dhe Gianluigi Buffon (6.012).
