Jo vetëm Mbappe, PSG humbi dhe Edison Cavanin në ndeshjen e mbrëmshme të fituar 4-0 ndaj Toulouses. Sulmuesi uruguain e nisi si titullar dhe u dëmtua vetëm pas 14 minutash lojë. Ai la fushën e blertë mes dhimbjeve, ndërsa sot iu nënshtrua analizave të specializuara.
Lajmet e fundit që vijnë nga Franca bëjnë me dije se “El pistolero” do të mungojë për rreth 3 javë. Ai nuk do të zbresë në fushë për 21 ditë, çka do të thotë se Tuchel duhet të bëjë 1 muaj pa Cavanin dhe Mbappen, dyshen titullare të sulmit.
Pushimi për shkak të ndeshjeve të kombëtares erdhi në momentin e duhur, pasi të dy mund të rikuperohen dhe fitojnë pak kohë, por drejtuesit po mendojnë të bëjnë ndonjë lëvizje emergjente në merkato duke parë dhe situatën e Neymar-it që është krejtësisht e paqartë.
