Drejtori sportiv i Borussias së Dortmundit, Michael Zorc, konfirmoi për mediat gjermane se Pierre-Emeric Aubameyang do të qëndrojë për një kohë të gjatë te verdhezinjtë dhe se çështja e rinovimit është thuajse e mbyllur.
“Kemi një program të qartë me Aubameynag. Ai ka një kontratë afatgjatë me Borussian”.
“Rinovimi? Besoj se gjithçka ka përfunduar. Tani është është i lidhur me ne deri në vititn 2021. Do të vijë një moment që do largohet nga Dortmundi, por për ne mbetet një futbollist dhumë i rëndësishëm dhe ne do të vazhdojmë t’i bëjmë planet, duke besuar tek ai”, ka thënë Zorc.
Tifozët e Borussias duhet të jenë të qetë, ndërsa skuadrat që dëshirojnë shërbimet e sulmuesit me origjinë nga Gaboni duhet të heqin dorë, sepse të paktën edhe sezonin e ardhshëm klubi gjerman nuk ka ndërmend të privohet nga Aubameyang.
Për lojtarin ka shfaqur interesim Real Madridi dhe shumë klube tjera. Çmimi i lojtarit është 65 milionë euro, por me mundësi rritje.
