Interi shumë shpejt do të bëjë ofertë për Mkhitaryanin.
Interi vazhdon të interesohet për mesfushorin e Manchester Unitedit, Henrikh Mkhitaryan dhe mund të bëjë ofertë zyrtare javën e ardhshme.
Armeni pritet të largohet nga “Old Trafford” pasi nuk ka treguar formë të mirë dhe ka dështuar të bind edhe në ndeshjet e fundit, kur i është dhënë mundësia.
Menaxheri i Unitedit, Jose Mourinho e ka bërë të qartë se Mkhitaryan ka mungesë të formës dhe nuk ka realizuar gol e asistim që prej shtatorit.
Sipas Sky Sports, 28-vjeçari është në mesin e disa lojtarëve që janë duke u monitoruar nga Interi që dëshiron të sjellë një lojtar në fazën e sulmit gjatë muajit janar.
Në radarin e ekipit italian janë edhe Gerard Deulofeu e Javier Pastore.
