Juventusi ka fituar me rezultat të thellë 3-0 në ndeshjen e tyre në udhëtim te Bologna.
Pas barazimit në shtëpi ndaj Interit, skuadra e Massimiliano Allegrit i është kthyer fitoreve në ndeshjen e tyre ndaj Bolognas në një takim të dominuar nga ta.
Binconerët e nisën mirë ndeshjen duke rrezikuar disa herë, por goli i parë për 1-0 erdhi vetëm në minutën 27-të nga një goditje perfekte e Miralem Pjanicit nga goditja e lirë.
Mysafirët vazhduan me lojë të mirë edhe në vazhdim dhe në minutën e 36-të ishte radha e golit të 2-0, i cili u shënua nga Mario Mandzukic pas asistimit të Pjanicit dhe me këtë rezultat skuadrat shkuan në pushim.
Ishte mesfushori brazilian, Blaise Matudi, i cili shënoi një gol të bukur për 3-0 në minutën e 64-të dhe ky gol vulosi rezultatin përfundimtar të takimit.
Në ndeshjen e ardhshme, Zonja e Vjetër luan në shtëpi ndaj Romës, teksa Bologna udhëton te Chievo.
