Emile Penza, ish-sulmues i Belgjikës, ka folur për pikat e forta dhe të dobëta të Romelu Lukaku-t në një intervistë të dhënë për Het Laatste Nieuës.
Sulmuesi zikaltër, i zgjedhur si lojtari më i mirë i Serisë A, ka vetëm një defekt, sipas ish-lojtarit.
“E vetmja gjë mbi të cilën duhet të punojë Lukaku është loja e tij ajrore”, ka thënë Mpenza. “Lukaku ka gjithçka, me përjashtim të kësaj. Po të ishte i fortë edhe në ajër, do të shënonte dhjetë gola më shumë në sezon”.
Mpenza është shprehur i gatshëm ta ndihmojë:
“Mund të vijë në Anversë ose Knoke për të marrë disa këshilla. Edhe pse do të doja të shkoja unë tek Inter-i. Duhet të më dërgojë vetëm një mesazh dhe do të jem i lumtur të marr makinën dhe të nisem. Do të doja edhe të stërvitesha me atë”.