McGregor dhe Mayweather pranë revanshit në UFC!

Ndeshja multi-milionëshe në MMA midis Floyd Mayweather dhe Conor McGregor me sa duket nuk është e pamundur.

Presidenti i UFC Dana White ka nisur bisedimet me boksierin amerikan, sipas një miku të ngushtë të White, dhe në të njëjtën kohë komentues në UFC, Joe Rogan.

Mayweather i dha fund karrierës në boks me një rekord perfekt 50-0 pasi doli nga pensioni për t’u ndeshur me McGregor në gusht.

Ai ka pretenduar se mund të ndeshej për miliona dollarë në UFC.

“Floyd ka folur rreth MMA,” shprehet Rogan në emisionin e tij radiofonik. “Vetëm këtë mund t’ju them: Dana më ka zbuluar se Floyd do të bëjë një marrëveshje në UFC.

“Unë i shkruajta duke e pyetur nëse thashethemet janë të vërteta dhe Dana më tha ‘po, ai është i çmendur’.

“Unë i thashë se do të vritej. Po ai vazhdon të flasë për këtë gjë.”