Ylber Lokaj, quhet 18-vjeçari me origjinë shqiptare që luan me të rinjtë e Baselit, nën drejtimin e Arjan Peços.
Ai i shënoi gol Manchester United U-19, në Ligën e Kampionëve për të rinj, dhe në një intervistë për “Tribuna Channel”, flet edhe për të ardhmen e tij në përfaqësuese.
“Te Baseli po eci mirë, dhe kemi arritur suksese. Vjet ishim kampionë e Zvicrës për moshën U-18. Pres një ftesë nga Kombëtarja e Zvicrës, por edhe nga Kosova. Kam lindur në Gjermani dhe aty jam shkolluar, por unë jam shqiptar, dhe më pëlqen të kisha një ftesë nga përfaqësuesja shqiptare”, deklaroi Lokaj.