Gjykata Federale e Apelit pranë FIGC-së në Itali ka marrë sot vendimin përfundimtar në lidhje me çështjen që shikon të implikuar presidentin e Juventusit, Andrea Agnelli, në raporte të palejuara me ultrasit.
Sipas Gjykatës, dënimi me 1 vit jashtë stadiumeve i Agnellit, reduktohet dhe përfundon sot, ndërsa shtohet edhe një gjobë prej 100 mijë eurosh.
Gjithashtu kjo Gjykatë ka vendosur edhe një gjobë prej 600 mijë eurosh për klubin bardhezi, ndërsa tribuna e ultrasëve ‘Curva Sud’, në ‘Allianz Stadium”, do të jetë e mbyllur në ndeshjen e parë në shtëpi të 2018-ës, që përkon me sfidën Juventus-Genoa, më 21 janar të vitit të ardhshëm.
