Uebsajti italian “Dagospia”, i cili lëshoi lajmin e bujshëm se, pak orë përpara ndeshjes me Napolin, në dhomat e zhveshjes së Juventusit kishte ndodhur një sherr ku ishin përplasur nga një anë veteranët italianë të skuadrës, me tre lojtarë të huaj.
Madje disa prej tyre që pas kësaj përplasjeje i kishin kërkuar edhe largimin në janar klubit, gazeta “online” sjell në skenë edhe tri emrat.
Bëhet fjalë për Huan Kuadradon, Stefan Lihshtajnerin dhe Aleks Sandron, por Juventusi e përgënjeshtroi, ashtu sikurse edhe trajneri Alegri.
Faktet thonë se sherri mund të ketë ndodhur realisht, sepse është po kaq e vërtetë që Lihshtajner dhe Sandro janë dy lojtarë në dalje në merkaton e janarit, ndërsa Kuadrado është një ndër të pazëvendësueshmit të Alegrit.
Dhe ndoshta, ai sherr i ka bërë mirë grupit, sepse pas tij Juventusi ka nisur të paraqitet bindshëm më mirë në fushë dhe në rezultate.
