Statistika shumë të habitshme të publikuara nga “El Periódico” në lidhje me përpjekjet e bëra nga Lionel Messi në “El Classico”-n e së shtunës së kaluar, në “Santiago Bernabéu”.
Argjentinasi nënshkroi “ekspozitën” e tij të njëpasnjëshme në shtëpinë e Real Madridit. Ai ndihmoi të tijtë në mposhtjen e skuadrës së Zidane me një gol (0-2), një asist (0-3) dhe praninë e tij në epërsinë 0-1, teksa nisi topin për te Sergi Roberto dhe ky i fundit pasoi saktë për gol te Luis Suarez.
Sipas të dhënave të përpiluara nga gazeta katalanase, numri 10 i Barcelonës tregoi se nuk ka nevojë të “ngjyrosë djersën” për të qenë lojtari më vendimtar i ekipit. Jo më kot, ai e kaloi 83.10% të kohës duke ecur në fushën e “Santiago Bernabeu”.
Messi është solist, i cili më së shumti përpunon lojën e Barcelonës dhe ka privilegjin të zgjedhë kur të “shtypë” dhe kur jo., shkruan telesport. Katalanasit kanë arritur në përfundimin se është më mirë ta mbajnë atë “të ftohtë”, në mënyrë që të mund të komandojë sulmet e të tijve më rrjedhshëm. Brenda asaj që nuk është thjesht ecje, studimi i kryer ndan përpjekjet e Messit në tri lloje të karrierës.
Argjentinasi ishte 10.8% të kohës që vrapoi në kërkim të pozitës së tij më të mirë për të ndikuar në lojë, 4.95% të kohës që vrapoi pa pasur nevojë të shkonte në fund dhe vetëm 1.15% të kohës që vrapoi në sprint, me një shpejtësi maksimale 33.6 kilometra në orë. Së bashku me Ter Stegen, Messi është i vetmi lojtar i Barçës, i cili ka luajtur çdo minutë në 17 ndeshje të La Liga-s.
