Sulmuesi i Barcelonës, Paco Alcacer, ka të ngjarë të shkojë te Borussia Dortmund në formën e huazimit, me klubin gjerman që do të ketë të drejtën për blerjen e tij në fund të sezonit, bën të ditur “Bild”.
Dy klubet e kanë arritur marrëveshjen dhe futbollisti ka pranuar të largohet nga “Camp Nou”, ku ka qëndruar vazhdimisht në stol.
Alcacer, që u ble nga Valencia në vitin 2016, për 30 milionë euro, ka shënuar 15 gola në 50 ndeshje me ekipin “blaugrana”, pjesën më të madhe të cilave i ka nisur nga stoli.
Nëse Dortmund do të vendosë për blerjen përfundimtare të Alcacer në verën e ardhshme, duhet të pagujë 25 milionë euro.
