Mikel Arteta është bërë një pjesë e rëndësishme e stafit teknik të Manchester City që në verën e vitit 2016 dhe prova është se disa klube në Premier League po përpiqen ta joshin spanjollin, madje duke i ofruar postin e trajnerit të parë. Klubi me besimin më të madh tek ai ishte Everton.
Disa javë më parë, presidenti Bill Kenwright kishte sugjeruar që pasardhësi i Ronald Koeman të bëhej Mikel Arteta, por në në fund bordi drejtues, që ka mjaft forcë në këtë klub, vendosi për Sam Allardyce, një trajner i njohur në Angli, i cili një vit më parë ishte i përfshirë në një polemikë mbi komisionet në transferta. “Mirror” shkruan të mërkurën se emri i tij është dëgjuar edhe nga zyrat e Tottenham. Pochettino është përpjekur të marrë shërbimet e tij si një dorë e drejtë në stolin e “Spurs”.
Por, pa dyshim, klubi që po nxit më shumë është Arsenali. Qëllimi i “Gunners” është që të paraqesin një projekt afatmesëm. Arteta do të mbërrinte si ndihmës i Wengerit dhe më vonë do të bëhej pasardhësi i tij. Ai është një idhull midis tifozëve të Arsenalit dhe nuk do të kishte zëra të kundërt kundër këtij vendimi të mundshëm.
Por kjo do të jetë e vështirë për ta bindur Arteta menjëherë, sepse Pep i ka dhënë besimin e tij dhe në mesin e tyre ka një marrëdhënie të madhe, edhe pse mbetet për të parë nëse ambicia e asistentit peshon më shumë dhe vendos të ndërmarrë hapin për t’u bërë trajner i parë.
