Trajneri i Barcelonës, Ernesto Valverde, e ka hedhur poshtë pohimin e Cristiano Ronaldos se ai është lojtari më i mirë në histori të futbollit, duke thënë se Lionel Messi është më i miri në histori, në fakt.
Sulmuesi i Real Madridit, Cristiano Ronaldo, e fitoi Topin e Artë të enjten në mbrëmje për t’u barazuar kështu me argjentinasit Lionel Messi me nga pesë të tillë secili, transmeton Express.
Por, intervista e portugezit pasi e fitoi çmimin ka shkaktuar reagime të mëdha.
Portugezi pohoi me arrogancë se asnjë lojtar në histori të futbollit nuk ka qenë apo është më i kompletuar si ai dhe se ai është lojtari më i mirë në histori të futbollit.
Ndërkohë, sot në një konferencë për media para ndeshjes ndaj Villarealit, Valverde ka thënë se Messi është më i mirë se Ronaldo.
“Secili ka mendimin e vet dhe mund ta thotë publikisht, por për mua lojtarët më të mirë në botë janë këtu në Barcelonë, duke nisur nga Lionel Messi”, ka thënë Valverde.
