Në konferencën për mediat para ndeshjes ndaj Chelseas, e vlefshme për 1/8 e finales së FA Cup, trajneri i Manchester United, Ole Gunnar Solskjaer foli ndër të tjera edhe për kilenin Alexis Sanchez dhe momentin e tij negativ.
“Sanchez është si një shishe ketchup-i, ku salca nuk zbret kurrë, por kur vjen në fund, atëherë del me tepricë. Besoj se është një futbollist i mirë, ka një talent të madh, por është e natyrshme se duhet të ndryshojë disa gjëra. Është tashmë 30 vjeç, por mund të vazhdojë të luajë për një kohë të gjatë në nivele të larta”, u shpreh tekniku norvegjez i Manchester United.
“Që nga koha kur kam ardhur këtu ka qenë më së shumti i dëmtuar, ndaj është e padrejtë që ta presësh menjëherë si protagonist. Jam i sigurtë se Alexis-in më të mirë do të shohim përpara përfundimit të këtij sezoni”, deklaroi trajneri Solskjaer.
