Vërshëllima, ofendime dhe parulla kundër Gigio Donnarummës në “San Siro” përpara fillimit të ndeshjes Milan-Verona.
“Dhunë morale quhet paga prej 6 milionë eurosh në vit dhe një pagë për vëllain parazit? Tashmë mund të shkosh, durimit i erdhi fundi!”, ishte njëra prej parullave më të gjata dhe më goditëse të shpalosura nga ultrasit e Milanit, “Curva Sud”.
Edhe pse një publik i paktë në numër në stadium, së bashku kanë kontestuar në këtë mënyrë emrin e portierit të “djallit kuqezi”, ndërkohë që ofendimet vijuan edhe gjatë nxehjes së lojtarëve.
Donnarumma nuk e përfundoi si gjithë të tjerët nxehjen, për t’u futur shumë më parë në dhomat e zhveshjes, pikërisht për këto kore e slogane.
Megjithatë, ajo që është më e rënda moralisht ndodhi brenda dhomave, ku portieri nisi të shpërthente në lot, ndërsa për ta qetësuar ka ndërhyrë kapiteni i Milanit, Bonucci.
https://www.youtube.com/watch?v=1UOOwah6ig0
