Mesfushori shqiptar, i cili aktivizohet për përfaqësuesen e Kosovës, Benjamin Kololli, ka shënuar dopietë në fitoren që skuadra e tij Lozana arriti në transfertë ndaj Luganos me rezultatin 1-2.
Të dy golat u shënuan nga 25-vjeçari në minutën e 24-t dhe 35-të duke përmbysur epërsinë e vendasve në minutën e 3-të. Me fitoren e sotme skuadra e Lozanës u ngjit në vendin e 6-të në kuotën e 22 pikëve. Te kjo skuadër aktivizohen edhe dy futbollistë e tjerë shqiptarë, Mersim Asllani dhe Andi Zeneli të cilët u aktivizuan në fundin e pjesës së dytë.