Henrikh Mkhitaryan ka arritur marrëveshjen përfundimtare me Arsenal për transferimin nga Manchester United.
Armeni pritet të shkojë te Topçinjtë me Alexis Sanchez që do të ndërrojë vendin me të duke shkuar në Old Trafford.
Agjenti i Mkhitaryan Mino Raiola besohet të ketë qenë njeriu që ka vonuar marrëveshjen.
Por, sipas gazetarit të mirënjohur Fabrizio Romano, marrëveshja është arritur tashmë midis klubit dhe lojtarit.
“Marrëveshje përfundimtare mes Mkhitaryan dhe Arsenal. Tani e kanë radhën burokracirat,” shkruan ai në Twitter.
Mkhitaryan ka kohë që nuk bën pjesë në planet e Jose Mourinho-s dhe trajneri portugez është i lumtur ta largojë mesfushorin për të marrë kilianin.
28-vjeçari ka shënuar vetëm dy gola këtë sezon në të gjitha kompeticionet për Djajtë.
Arsenal besohet se është pranë marrëveshjes edhe për sulmuesin nga Gaboni Aubameyang.
