Pak orë para fillimit të grand slemit të Australian Open, organizatorët e turneut të parë të madh të vitit 2018 kanë bërë publike premion që do të kenë tenistët pjesëmarrës. Krahasuar me një vit më parë, është një rritje prej 10% e të ardhurave që në total kapin shifrën e 36 milionë eurove. Një shumë që është e barabartë me atë të Roland Garros të një viti më parë, por më pak se Wimbledon (37 milionë euro) dhe US Open (42 milionë euro).
Por kjo mbetet një shumë shumë më e madhe krahasuar me vitin 2001, ku në total organizatorët ofronin 13,9 milionë euro për tenistët pjesëmarrës. Këtë vit, fituesit (në të dyja ketegoritë) do të marrin nga 2,6 milionë euro, ndërsa finalistët gjysmën e kësaj shume. Është rritur edhe premio që tenistët do të marrin për kualifikimin në secilin raund, ku shuma gati është dyfishuar.
Ja tabela e premios për çdo raund të Australian Open
Fituesi: 2,6 milionë euro
Finalisti: 1,3 milionë euro
Gjysëmfinalisti: 790 mijë euro
Çerekfinalisti: 395 mijë euro
Turi i 4-t: 164 mijë euro
Turi i 3-të: 98 mijë euro
Turi i 2-të: 52 mijë euro
Turi i parë: 33 mijë euro
