Ish-futbollisti i Real Madridit, Fabio Coentrao, është bërë objekt i talljeve në ndeshjen Benfica-Sporting.
Mbrojtësi i Sportingut, pasi pa që pranë tij po hidheshin objekte nga tifozët kundërshtarë, vendosi të aktronte.
Coentrao, edhe pse nuk u prek nga objektet, nisi të mbante kokën me dorë e më pas të çalonte.
Madje ato ishin letra dhe edhe po ta qëllonin nuk do të shkaktonin ndonjë lëndim.
Komentet negative në rrjetet sociale për simulimin e tij ishin të panumërta.
Ndeshja mes Benficas dhe Sportingut u mbyll në barazim 1-1.
Coentrao këtë sezon ka kaluar nga Real Madridi në Sporting, pas disa sezoneve të dobëta me mbretërit.
