Kampioni i botës në peshat e rënda në boks në kategorinë WBC, Deontay Wilder, është dënuar me 60 orë punë në komunitet për mbajtje të paligjshme të marijuanës.
Boksieri amerikan u shpall fajtor nga gjykatësi Ricky McKinner, që urdhëroi boksierin 32-vjeçar ta shlyejë dënimin në një lokalitet të vogël pranë shtëpisë.
Wilder u arrestua në shtëpinë e tij në Tuscaloosa, në qershor të këtij viti, kur policia gjeti marijuanë në makinën e tij.
Policia kontrolloi në makinë dhe gjeti një sasi të vogël të marijuanës.
Avokatët e tij u shprehën se marijuana nuk i përkiste boksierit, pasi ai kishte qenë në udhëtim jashtë qytetit dhe persona të tjerë e kishin përdorur makinën e tij. Wilder është i pamposhtur në karrierën e tij, me 39 fitore (38 me KO).
