Pas spekulimeve të shumta se Gerard Deulofeu do të rikthehej në Serie A, me Napolin dhe Interin të cilat ishin interesuar për shërbimet e tij, tashmë ka dalë një emër tjetër në listë, ai i Milanit.
Duket se përvoja e gjysmës së dytë të sezonit të kaluar i ka lënë mbresa lojtarit të Barcelonës dhe një rikthim do të ishte opsioni më i mirë për të.
Sipas raportimeve nga Spanja, Deulofeu u ka shprehur disa miqve të tij dëshirën për t’u rikthyer tek kuqezinjtë.
Ky transferim nuk është aspak i lehtë pasi Milan ka deklaruar që nuk do të jetë aktiv në merkato, por edhe çmimi që Barcelona i ka vendosur lojtarit mbetet po ashtu një problem (20 milionë euro). /Alpenews.al/
