Sa bukur do të ishte sikur futbollistët të dilnin nga shtëpia dhe të bënin vrap, kilometra, për të mbajtur trupin në formë dhe fuqizuar fizikun. Por, karantinimi i plotë dhe izolimi detyron ata që të qëndrojnë në shtëpi dhe përpiqen vetëm me ushtrime të kufizuara.
Shumë klube kanë vendosur programe në sajë të udhëzimeve të trajnerëve dhe mes tyre është edhe Conte, që si një çekiç i bie kokës atyre që nuk i zbatojnë. Madje, u kërkoi që të gjithë të pajiseshin me disa vegla për të mbajtur lart tensionin.
Tapet lëvizës, bicikleta dhe shumë vegla të tjera, kështu që forma do të mbahet disi. Conte i telefonon çdokujt në fund të ditës dhe e pyet se si shkoi, kështu që është i informuar.