Pierre-Emerick Aubameyang është duke iu nënshtruar testeve mjekësore momentalisht në Arsenal, para kompletimit të transferimit në “Emirates” nga Borussia Dortmundi.
Sulmuesi i Gabonit mbërriti dje në qendrën stërvitore të Arsenalit për ta nënshkruar marrëveshjen me klubin londinez nga e cila do t’i përfitojë 205.000 euro në javë, transmeton Express.
Sot në mëngjes, Aubameyang e vizitoi qendrën mjekësore në London Colney ku është duke i kryer testet mjekësore, por Dortmundi do ta lejojë të largohet vetëm nëse e gjen zëvendësuesin e tij.
Zëvendësuesi i tij pritet të jetë Michy Batshuayi.
