Një fazë e parë e mbyllur në pozitën e kryesuesit me shanset për të fituar titullin kampion, duke ia “rrëmbyer” atë Juventusit. Mision tek i cili beson Hysaj, mbrojtësi shqiptar i Napolit. Gjithsesi, në intervistën e parë për këtë vit të ri 2018, titullari i mbrojtjes së kombëtares shqiptare që udhëheq me Napolin në Seria A, nuk harron edhe dy rivalet e tjerë të rrezikshëm, Romën dhe Interin.
“A besojmë më shumë te titulli kampion pasi u shpallëm kampionët e dimrit? Kjo gjë vlen shumë pak, duhet të arrijmë të parën në fund të sezonit dhe jo në gjysmë të kampionatit. Dyluftim? Kampionati është ende i gjatë, edhe Inter e Roma mund të kthehen në garën për titull dhe nuk duhet të mendojmë për sa javë kanë mbetur. Mund të bëjmë shumë pikë, por edhe të humbim shumë të tilla”, deklaroi Hysaj.