Nevil Dede largohet pa nisur mirë aventurën te Erzeni. Edhe pse klubi shijakas nuk e konfirmon një gjë të tillë, duket se gjërat janë krisur gjatë ditëve të fundit.
“Nuk kemi diçka të konfirmuar. Trajneri ka qenë disi i lëkundur, por nesër do të zyrtarizojmë gjithçka për të ardhmen e tij”, – ka thënë për “Panorama Sport” drejtori i klubit shijakas, Astrit Hoxha.
Ish-trajneri i Tiranës, Laçit, Luftëtarit dhe Kastriotit, u afrua me shumë bukë te skuadra shijakase, por me sa duket aventura e tij tek blutë do të zgjasë vetëm disa javë.
Erzeni u shfaq mjaft aktiv në merkato, teksa afroi disa lojtarë cilësorë, ku përmendim këtu, ish-sulmuesin e Partizanit, Xhixhiua. Skuadra shijakase e mbylli gjysmën e parë të sezonit në vendin e 6-të me 16 pikë në 12 ndeshje.
