Angel Di Maria thotë se Paulo Dybala është keqkuptuar kur ka thënë se e ka të vështirë të luajë me Lionel Messin te Argjentina.
Sulmuesi i Juventusit është rritur duke e admiruar superyllin e Barcelonës, mirëpo në një deklaratë të mëparshme, kishte thënë se e ka të vështirë të luajë krahas tij, duke qenë se marrin pozita të njëjta në fushë.
“Mendoj se ajo që ka thënë Dybala është keqkuptuar”, ka thënë anësori i Paris Saint-Germainit për Fox Sports Radio.
“Messi nuk më pengon mua, më pëlqen shumë të luaj me të, më ngazëllen. Gjëja më e mirë që mund t’i ndodhë një lojtari është që të luajë më të mirët dhe me jashtëtokësorët”, ka shtuar Di Maria.
Dybala është krahasuar vazhdimisht me Messin në vitet e fundit dhe është konsideruar si pasues i tij te kombëtarja e Argjentinës.
Ndërsa shumëkush konsideron se futbollisti i Juves nuk mund ta arrijë nivelin e njërit prej futbollistëve më të mirë në histori.
Nga ana tjetër, ka pasur edhe interesim të gjigantëve spanjollë, Barcelona dhe Real Madrid, për ta transferuar 24-vjeçarin në La Liga.
