Nuk kanë të ndalur telashet me lëndime për mbrojtësin belg.
Barcelona ka mbetur pa Thomas Vermaelen për të paktën dy javë.
Belgu është lënduar në sfidën e së dielës ndaj Betisit të cilën Barça e ka fituar 5:0 si mysafir dhe është dashur ta lëshojë fushën qysh në minutën e 38-të të takimit.
Në vendin e tij në fushë është futur Samuel Umtiti i cili është kthyer nga një lëndim i gjatë që e ka mbajtur jashtë për dy muaj.
Gjatë ditës së sotme lojtari i është nënshtruar disa testeve shtesë, ku është konstatuar që do të mungojë për dy javë.
Barcelona është duke marshuar drejt titullit të kampionit në La Liga, pasi ka lënë shumë prapa ndjekësit e tij në tabelë.
