Lisandro Lopez do të jetë lojtar i Interit nga e hëna e ardhshme, sipas mediave të ndryshme, pasi Benfica është pajtuar ta huazojë atë me opsion për “Zikaltrit” që ta blejnë atë për 11 milionë euro në fund të sezonit.
Sipas FC InterNeës.it – i cili ishte i parë që dha lajmin mbrëmë – dhe gazetës portugeze “A Bola”, marrëveshja është arritur praktikisht për huazim me opsion për ta blerë në fund të sezonit, transmeton Express.
Mbrojtësi argjentinas ka pasaportë spanjolle, prandaj do të regjistrohet si lojtar evropian me Interin.
Lopez pritet të jetë në Milano për t’i kryer testet mjekësore dhe nënshkruar kontratën diku kah e hëna.
