Massimiliano Mirabelli “blindon” Andre Silva. Drejtori Sportiv i Milanit, në një intervistë të fundit tregohet i qartë përsa i përket të ardhmes së portugezit.
Drejtuesi kuqezi e pranon se sulmuesi po kalon një moment të vështirë, por gjithashtu thekson se Silva është lojtar mjaft i rëndësishëm për klubin. Mirabelli mendon se 22-vjeçari është lojtar me potencial dhe i talentuar dhe për këtë do të vazhdojë të qëndrojë në “San Siro” dhe se Milani nuk dëshiron të privohet nga shërbimet e tij.
