90 minutat e para nuk kanë dhuruar fitues në sfidën mes Celtas e Barcelonës dhe çerekfinalisti i Copa del Rey do të mësohet javën e ardhshme në “Camp Nou”.
1:1, kështu ka përfunduar ndeshja e parë mes Celta Vigos e Barcelonës në kuadër të Copa del Rey që u zhvillua në stadiumin, ‘Balaidos’, shkruan Gazeta Express.
Të parët në epërsi kaluan mysafirët, me golin e të riut të akademisë, Jose Arnaiz (15’), barazoi gjithçka në minutën e 31’të, Pione Sisto.
Deri në fund, dyja skuadrat kishin rastet e veta, por përfundoi me golat e pjesës së parë dhe çerekfinalisti në Kupën e Mbretit do të mësohet në ndeshjen e kthimit në “Camp Nou” javën e ardhshme.