Trajneri i Tottenham, Mauricio Pochettino i ka thënë homologut të tij Arsene Wenger të përqëndrohet në klubin e tij, pasi trajneri i Arsenalit diskutoi për mungesën e trofeve të Spurs: “Unë e respektoj shumë dhe sepse e respektoj shumë nuk dua të them asgjë. Unë jam ende i ri dhe kam shpenzuar vetëm pesë vjet në Premier Leage, më parë në Southampton dhe tani në Tottenham”, tha fillimisht argjentinasi.
“Unë mendoj se nuk ka sens të flasësh për një ekip tjetër. Futbolli nuk është vetëm për trofetë, çdo klub ka rrethana të ndryshme. Mendoj se Wenger është një nga trajnerët më të mirë në botë, por unë mendoj se ai duhet të flasë për veten dhe për Arsenalin”, shtoj ai.
