Real Madrid në vitet e fundit ka qenë skuadër jo shumë aktive në transferime, duke mos shpenzuar shumë para.
Paraqitjet jo të mira këtë sezon dhe mungesa e golave nga sulmuesit aktual, ka shtyrë drejtuesit e Real Madridit që të mendojnë transferimin e një golashënuesi.
Dëshira kryesore e Zinedine Zidane dhe presidentit Florentino Perez është sulmuesi i Tottenhamit, Harry Kane.
Angleze në vitet e fundit është golashënuesi më i mirë në Premierligë, ndërsa vitin 2017 e mbylli me 56 gola në 50 ndeshje, duke u bërë futbollisti i parë që pas tetë viteve lë mbrapa Leo Messin dhe Cristiano Ronaldon.
Sipas The Sunday Times, Reali për shërbimet e tij është gati që Tottenhamit t’i paguajë 225 milionë euro, duke e bërë lojtarin më të shtrenjtë në histori të futbollit.
Por, ai nuk do të jetë transferimi i vetëm i madh, pasi Zidane e dëshiron edhe yllin e Chelseat, Eden Hazard.
