David de Gea edhe një herë tjetër do të jetë i lidhur me një kalim të mundshëm në Real Madrid.
Portieri spanjoll, Davi de Gea para dy viteve e gjysmë ishte shumë pranë kalimit në Real Madrid, por gjithçka dështoi në momentet e fundit.
Sipas të përditshmes spanjolle, Marca, De Gea është sërish portieri favorit për t’u transferuar në Real gjatë verës së ardhshme.
Këtë e shpjegon edhe mos transferimi i portierit të Athletic Bilbaos, Kepa, që ditë më parë vazhdoi kontratën me skuadrën e tij.
Edhe spanjolli është i gatshëm të kthehet në Spanjë tek Real Madrid.
Alternativë tjetër nëse dështon De Gea është portieri belg i Chelseat, Thibaut Courtois.
