Është vetëm janari, por Real Madridi tashmë është eliminuar nga Kupa e Mbretit dhe gjendet 19 pikë prapa liderit të La Ligës, Barcelonës, gjë që sugjeron se nevojitet përforcimi i skuadrës në tregun e transferimeve.
Derisa Zinedine Zidane ngurron të blejë lojtarë në janar, Real Madridi tashmë i ka 300 milionë euro për t’i shpenzuar në afatin kalimtar veror, shkruan e përditshmja spanjolle “Marca”.
Fakti se Reali nuk e ka blerë asnjë “galactico” në disa vitet e fundit, do të thotë se ka ruajtur shuma të mëdha parash për të ardhmen. Blerja e fundit e madhe e Realit ishte James Rodriguez për 80 milionë euro në vitin 2014.
Shitjet e lojtarëve si Angel Di Maria, Mesut Ozil dhe Alvaro Morata kanë sjellë të ardhura në klub.
Për më tepër, Real Madridi nuk ka probleme me pagat e lojtarëve sic kanë klubet e tjera të mëdha.
Në përgjithësi, Real Madridi është shumë i shëndoshë financiarisht dhe vitin e kaluar e mbylli me një surplus prej 178 milionë euro.
Gjiganti spanjoll është në pozitë shumë të privilegjuar financiare dhe pritet t’i shpenzojë deri në 300 milionë euro verën e ardhshme për të sjellë lojtarë të mëdhenj, sipas të përditshme spanjoll.