Futbollisti portugez i Villarreal-it, Ruben Semedo, kthehet sërish në lajm për shkak të sjelljes së tij jo sportive. Pak ditë pasi futbollisti u denoncua në polici se tregoi armën në një lokal në Valencia, një tjetër hetim ka nisur në adresë të portugezit.
Në 29 tetorin e shkuar, pas një zënke, Semedo i theu një shishë në kokë një të riu. Të dy kishin debatuar në ambientet e brendshme të një diskoteke në Valencia dhe futbollisti më pas i kishte kërkuar të dëmtuarit që ta shoqëronte deri te makina, se do t’i dhuronte atij një bluzë.
Por në parking ai e goditi në kokë me shishe vere. Hetuesit janë duke shqyrtuar çështjen, ndërkohë që në klubin spanjoll pritet që të marrin masa për këto sjellje mjaft negative të lojtarit të tyre.