Luciano Spalletti nuk është shfaqur tërësisht i kënaqur pas barazimit 1-1 me Romën, por ka vlerësuar si pozitive lojën e skuadrës së tij.
Trajneri i Interit ka komentuar edhe gabimin e Santon në rastin e golit të verdhekuqve, duke e cilësuar si diçka normale që mund t’i ndodhë kujtdo.
A ju ka kërkuar falje Santon?
Nuk ka arsye për ta bërë këtë. Nëse më kërkon falje, nuk e hedh më në fushë. Të flasësh nga divani është ndryshe nga ajo që ndodh në fushën e lojës. Këto janë gabime që i ndodhin kujtdo, por Santon është një djalosh që stërvitet në mënyrën e duhur.
I Zhgënjyer me rezultatin?
Mund të them se meritonim diçka më shumë, për mënyrën se si u zhvillua loja, pasi kishim mundësi të shënonim shumë më tepër se 1 gol, ndërsa Handanoviç ishte spektator sot. Gjithsesi, për të fituar një ndeshje, përveç shumë aspektesh, duhet të kesh edhe fatin.
A mendoni se skuadra vuan në ndërtimin e aksioneve?
Në fakt sot arritëm të krijojmë disa raste dhe vuajtëm më tepër në finalizim. Është e vërtetë që jemi disi të ngadaltë dhe nuk arrijmë të shfrytëzojmë si duhet kundërsulmet, por sot mendoj se e menaxhuam mirë sfidën.