Andria Stramaccioni ka zbuluar se çfarë ka detyruar Inter-in të shesë Philippe Coutinho-n te Liverpool për 13 mln euro pesë vite më parë.
Braziliani u zbulua nga klubi italian që në moshë adoleshente, por u largua te Liverpool në janar të 2013, dhe tani është shitur 160 mln euro te Barcelona.
“Nuk jam befasuar nga transferimi i Coutinho-s pasi është përmirësuar ndjeshëm në Premier League dhe në përfaqësuesen braziliane, kështu që e meriton të luajë për një klub të madh,” shprehet ish-trajneri i Inter për revistën Panorama.
“Ai debutoi nën urdhrat e Benitez, dhe ishte protagonist edhe në skuadrën time.
“Ai ka qenë në gjendje të punojë mirë, por Sneijder ishte në pozicionin e tij, kështu që kishte shumë kompeticion në atë kohë. Por evoluimi i tij kishte nisur që në atë kohë.
“Oferta nga Liverpool ishte e vështirë për t’u refuzuar dhe dëshira e tij për të shkuar në Angli ishte vendimtare. Ishte një moment i vështirë dhe Cou ishte një nga lojtarët e rinj me vlerë të lartë në merkato.
“Duhet të rregullonim bilancet e klubit dhe shitja e tij u ndoq nga largimi i Sneijder. Gjithsesi e kuptoj vendimin e drejtuesve të atëhershëm.
“Askush nuk ishte i lumtur me shitjen e tij, pasi kuptohej që atëherë që kishte talent të madh. Vazhdoj të kem kontakt me të. Përveç aftësisë së tij në fushë, ai është një djalë me përulësi të madhe.”