Ish-mjeku i kombëtares amerikane të gjimnastikës Larry Nassar, që qëndroi në këtë detyrë për 20 vjet dhe abuzoi me dhjetra sportiste ndër vite, rrezikon të dënohet nga 40 deri në 175 vjet burg. Ai është akuzuar nga 150 viktima, që kanë konfirmuar abuzimet e tij, përfshi edhe mjaft sportiste si Raisman, Maroneu e Biles. “Sapo kam firmosur dënimin e tij me vdekje”, tha gjyqtarja Rosemarie Aquilina pas 7 ditësh gjykim, ku u paraqitën për të dëshmuar të gjitha viktimat e tij.
Gjyqtarja tha se veprimet e Nassar ishte të paramenduara, të llogaritura dhe të shëmtuara, duke shtuar: “Për mua është një privilegj ta dënoj. Nuk ka bërë asgjë për të kontrolluar instiktet e tij dhe nuk meriton të dalë nga burgu”. Më tej, ajo përgëzoi gjimnastet që vendosën të dalin nga frika e paragjykimi dhe të akuzojnë “monstrën”, që më parë e konsideronin si “mbretin e mjekësisë” dhe i besonin verbërisht. Vetë mjeku deklaroi se ndjen keqardhje për gjithçka ka bërë në jetën e tij.