Lojërat Olimpike të planifikuara për tu zhvilluar këtë verë mund të anulohen përsëri, pas situatës aspak të mirë që po kalon shteti pritës, Japonia, e cila është në valën e katërt të Covid-19.
Këtë ide e ka hedhur një zyrtarë i lartë i partisë në pushtet i quajtur, Toshihiro Nikai, i cili u shpreh se Japonia duhet të heqë dorë nga Lojërat Olimpike në rast se rritja e rasteve ditore me Covid-19 bëhet e papërballueshme për vendin.
“Kjo është një situatë absolutisht e pamundur, duhet të marrim një vendim pa u hezituar. Cili është kuptimi i Olimpiadës nëse e përhapim këtë sëmundje infektive te njëri tjetri gjatë Olimpiadës?’’, u shpreh zyrtari Nikai.
Ndërkohë në krahun tjetër qeveria po ecën para me planin e saj, duke marrë masa për distancimin shoqëror dhe kufizime për spektatorët.
