Ernesto Valverde foli për fitoren e Barçës kundër Alaves, një fitore që kërkoi luftë për nëntëdhjetë minuta kundër një rivali të madh. Trajneri katalanas është i qartë se ndeshja në fjalë do të shërbejë si një referencë për të tijtë në të ardhmen, se si të vuajnë për të fituar La Liga-n, tha ai në “TV Barça”: “Ne do ta mbajmë mend këtë ndeshje për shkak se ishte shumë e vështirë, me golin kundër. Edhe pse ne ishim duke luajtur mirë, duke e arritur zonën mirë, kundërshtari shfrytëzoi një kundërsulm, ku nuk ishim shumë të sigyrtë. Në fund të fundit, Alaves luajti me kohën dhe çdo herë na i mbylli shumë hapësirat. Prandaj, duhej të punonim shumë për ta kapërcyer këtë pengesë”.
Një nga çelësat për përmbysjen e rezultatit ka qenë pa dyshim Iniesta: “E vërteta është se ne kemi lojtarë të mirë, por Iniesta është një mjeshtër. Dora e Umtiti? Lojtari më tha: përveçse ta prisja dorën time, nuk mund të bëja ndonjë gjë tjetër në atë rast. Unë mendoj se prekja e topit me dorë ishte e pavullnetshme, por të gjithë e shohin këtë nga pikëpamja e tyre. Gjithmonë ka polemika, që na kanë dëmtuar ndonjëherë dhe të tjerët kanë përfituar”.
Një vlerësim edhe për Coutinho: “Futbollistët nuk janë makina, që hyjnë në një ekip të ri dhe fillojnë të punojnë maksimalisht që në ndryshimin e parë. Sidoqoftë, unë e kam parë mirë. Është një hap tjetër. Fillimisht ka luajtur 20 minuta, ndërsa sonte pak më shumë kohë. Le të shohim nëse ai do të ingranohet pak nga pak”.