Pas Renato Gojkoviçit, Partizani ka prezantuar edhe 2 afrime të tjera në këtë merkato janari. ‘Të kuqtë’ kanë nënshkruar për 2 vite e gjysmë me mesfushorin 25-vjeçar, Emran Ramadani, që më herët ka qenë pjesë e Renovës, në kampionatin maqedonas.
Gjithashtu, drejtuesit e Partizanit kanë nënshkruar për 3 vite e gjysmë edhe me talentin shkodran, Senad Hysenaj. Ky i fundit erdhi nga Vllaznia U-19 dhe shikohet si një nga futbollistët më premtues në Shqipëri.
‘Të Kuqtë’ u treguan të shpejtë, duke përfituar nga fakti që lojtari ishte pa kontratë me shkodranët dhe duke rrëmbyer në gjirin e tyre mesfushorin premtues 19-vjeçar.
