Daniel Ricciardo, Max Verstappen dhe Red Bull, një trekëndesh sportiv i destinuar të finksionojë për një kohë të gjatë. Ky është urimi i pilotit të talentuar holandez, që në prag të nisjes së sezonit të ri deklaroi:
“Edhe pse kemi luftuar ashpër në pistë, Daniel është një djalë i jashtëzakonshëm. Bashkë kemi kaluar momente të mëdha edhe jashtë garave. Shpresoj të jemi shokë skuadre për shumë kohë.”
Verstappen në pjesën e dytë të vitit të kaluar firmosi rinovimin e kontratës me skuadrën e Milton Keynes deri në fund të 2019-ës ndërsa Ricciardos i përfundon në fund të 2018-ës.
“Është e qartë që kur lufton për titullin çështjet për t’u zgjidhur janë të shumta, por në fund të fundit respekti është reciprok. Nëse njëri prej nesh është më i shpejtë, tjetri duhet ta pranojë.”
Në të njëjtën linjë shprehet edhe Ricciardo:
“Nëse ne të dy do të luftojmë për titullin, mendoj se marrëdhënia jonë nuk do të thyhet deri në atë pike, sikurse ndodhi mes Hamilton dhe Rosberg.”
