Pas një periudhe të gjatë mungese për shkak të dëmtimit, mesfushori i Kombëtares, Amir Abrashi, është rikthyer në mënyrën më të mirë të mundshme.
27-vjeçari i Frejburgut realizoi një gol mjaft të bukur me kokë, në takimin miqësor ndaj Hamburgut të Mërgim Mavrajt, që përfundoi me rezultatin 1-1.
Si Abrashi ashtu edhe Mavraj e nisën ndeshjen titullarë duke zhvilluar një paraqitje të kënaqshme. Mesfushori shtatshkurtër e realizoi golin e barazimit për skuadrën e tij në minutën e 86-të, duke “fituar” në një farë mënyrë derbin personal me Mavrajn.
