Joao Cancelo mund të ndryshojë përsëri ekip. Pas huazimit nga Valencia tek Inter dhe transferimit tek Juventus, që ka ardhur pasi zikaltrit nuk kanë patur paratë e mjaftueshme për të blerë kartonin e tij, mbrojtësi i krahut duket se do të jetojë një tjetër verë të nxehtë.
Sipas shtypi italian, për të interesohet Barcelona, që duket se është bindur nga paraqitjet e bëra nga lojtari në kampionatin italian dhe në Champions League. Katalanasit duket se janë gati t’i bëjnë një ofertë bardhezinjve për sezonin e ardhshëm.
Spanjollët e shikojnë Cancelo-n si pasardhësin e Dani Alves, por bardhezinjtë nuk do të heqin dorë me lehtësi nga ylli i tyre, veçanërisht pas investimit të rëndësishëm të bërë verën e kaluar.
Cancelo, në fakt, i ka kushtuar 40 milionë euro kampionëve të Italisë, të cilët nuk do të jenë të gatshëm ta lënë të lirë të largohet për më pak se 60 milionë…
