Futboll

Xavi fton Riberyn në Katar, i thotë se do kënaqet me jetën

Franck Ribery është inkurajuar të shkojë në Katar dhe të bashkohet me Al Saddin, te skuadra e mesfushorit legjendar Xavi, i cili këmbëngul se ylli i Bayern Munichut do të donte jetën atje.

E ardhmja e 34-vjeçarit në Bayern Munich është e pasigurt pasi kontrata e tij skadon në fund të sezonit dhe ai është kufizuar në vetëm nëntë paraqitje të Bundesligas këtë sezon për shkak të lëndimit.

Bayern planifikon “bisedime serioze” me anësorin, sipas kryetarit Karl-Heinz Rummenigge, por ish-ylli i Barcelonës Xavi, i cili ka qenë me Al Sadd që nga viti 2015, beson se ai duhet të mendojë të bëjë një kalim fitimprurës në Katar.

“Do të ishte mirë për të gjithë këtu, por edhe për Riberyn”, ka thënë fillimisht Xavi për gazetën gjermane Bild.

 Xavi dhe Ribery gjatë një dueli mes tyre në ndeshjen Barcelona-Bayern (Getty Images)

“Cilësia e jetës këtu është fantastike, është një vend i mrekullueshëm, i mirë për jetën familjare”.

“Vajza jonë Asia, për shembull, është lindur në Doha. Është rehat dhe të gjithë janë të lumtur”.

“Sigurisht, niveli i futbollit është i ndryshëm nga ai në Evropë, por do të ishte mirë që ai të kalonte këtu”.

“Do të doja të luaja me të. Do të ishte mirë nëse ai do të vijë tek ne”, përfundoi spanjolli.

Related posts

Man United duhet të paguajë 45 milionë euro për t’i plotësuar dëshirën Mourinhos

Isa.Autor

MERKATOJA E BUJSHME TEK MILANI/ Ja 4 sulmuesit që Leonardo ka vënë në shënjestër

Delo.autor

EMIGRUAN NË KËRKIM TË FATIT/ Makthi i ish-sulmuesit të Milanit jashtë ekipit dhe pa rrogë, ja pritja e bujshme

Delo.autor

Leave a Comment