Shefi ekzekutiv i Bayern Munich, Karl-Heinz Rummenigge, ka deklaruar se Barcelona ishte seriozisht e interesuar për talentin gjerman, Leon Goretzka, që në fund zgjodhi bavarezët.
“Nëse ne nuk do të kishim nënshkruar me Leon Goretzkan, padyshim që këtë do ta bënte Barcelona”, u shpreh Rummenigge.
“Leon është shumë i talentuar dhe vetëm 22-vjeçar. Është pjesë e përfaqësueses së Gjermanisë dhe shumë i fortë në rolin e tij. Do të kishim gabuar shumë nëse nuk do ta kishim blerë”, shtoi Rummenigge.
Mesfushori gjerman do të qëndrojë i huazuar te Schalke deri në fund të sezonit, për t’iu bashkuar më pas Bayern Munchenit në verë.
